Dárlán Páléncìá Bárcélón
Rumdom ko pa an dati kung ilusyon.
O puedeng sabihon,
Na kaming duwa naging “mag-on”
Minsan inagda na mag pasyar ako.
Ipinahiling niya sakuya an saiyang kuarto.
Daing ribok, daing karagnas, pa simple sana, an gibo ko.
Bakung magayon an salog,
Anas linasang poon ki nyog
Pag masampilala ka, sasaparon mo – salugsug.
Tinaraman niya ako na dai na mag hali – digdi ka na magturog.
Inabot ako nin pirot buda supog.
Luminampiga sana ako sa salug.
Ginadan ming duwa an halawig na oras, sa pag dalok nin alak.
Natapos an mag-agang pano ning ngarak-ngak.
Mantang an dunag, mag agang nagpaparakpasak.
Napang lingaw ako kan ngarak-ngak nag-laidos na palan ako sa salug.
Kan ako mina tindug,
Saka ku namatian an ngiras kan salugsug.
Ini an ekspensiya ko kaidto duman sa Kagnalog.
Kaya kung ti-uson an ludog,
Baku sana an lanit kan salugsog.
Manila
