PRESS RELEASE

 

AKO BICOL PARTY LIST

 

Nakisumaro si Ako Bicol Party List Rep. Alfredo Pido Garbin sa paggirumdom sa International Women’s Day kan nakaaging aldaw. Segun kay Cong. Garbin an selebrasyon kan aldaw nin mga kababaihan iyo an masiguro na naipapautob kan gabos na sanga nin gobyerno an Magna Carta for Women.

 

Segun pa sa kongresista suportado niya an pahayag ni Pres. Rodrigo Duterte na dapat magmukna nin platforms tanganing matukar an best practices, gaps asin mga hagyat sa pagbusol kan gender and development sa mga lokal na gobyerno. An Ako Bicol komitado sa pagtao nin importansya sa interes asin karahayan kan mga kababaihan.

 

An Ako Bicol Party List numero 141 sa balota sa maabot na Mayo 13, 2019 midterm elections. ++++++