PRESS RELEASE

 

AKO BICOL PARTY LIST

 

Nagpasalamat si Ako Bicol Rep. Pido Garbin sa suporta kan mga eskwelahan, mga magurang, lalo kan mga lokal na opisyal sa probinsya nin Albay sa pangengenot ni Gov. Al Francis Bichara asin Legazpi City Mayor Noel Rosal sa saro nang dekadang programa kan Ako bicol sa pahpili kan Ten Outstanding Students of Bicol o TOSB.

 

Segun kay Cong. Garbin naging matrayumpo asin mabunga an Search for 2019 TOSB dahilan sa padagos na suporta kan mga stakeholders kun sain dakulang oportunidad an naitatao kan mga programang ini lalo na sa mga estudyante na nagtataong rekonosimiento bako sana sa saindang performance sa academic kundi bilang sarong estudyante na may pontensyal na maging sarong marhay na lider pag-abot kan panahon.

 

Sinabi ni Cong.Garbin na an iba sa naging TOSB awardess nagtatrabaho na ngoyan sa Ako Bicol bilang mga program coordinators kan partido mantang an iba pa may magayon nang trabaho ngonyan asin talagang nagpapahiling nin tibay sa saindang propesyon asin karera. An Ako Bicol Party List numero 141 sa balota sa maabot na Mayo 13, 2019 midterm elections.